در پی یک رویداد جنایی؛ تاجیکستان ۲۵۰ خانواده مهاجر افغانستان را اخراج کرد

$world_list->name سه شنبه, 15 ثور 5 5 ماه قبل 739

به‌گفته‌ی این منابع، پناهجویان بدون فرصت کافی برای جمع‌آوری دارایی‌های خود از این کشور اخراج شده‌اند. یکی از پناهجویان اخراج‌شده می‌گوید: «همه چیز همان‌جا باقی ماند.»


این اقدام در حالی صورت می‌گیرد که پیش‌تر وزارت داخله تاجیکستان اعلام کرده بود یک مرد ۲۲ ساله افغان را به اتهام قتل یک زن ۲۷ ساله تاجیک در اواخر ماه اپریل بازداشت کرده است.


در بیانیه این وزارت آمده است که فرد متهم به‌گونه‌ی غیرقانونی در روستای دهنموی، ولسوالی جبار رسولوف، در شهر خجند زندگی می‌کرده و این زن را با ضربات چاقوی آشپزخانه به قتل رسانده است.


پس از این رویداد، شماری از شهروندان افغانستان در شهرهای خجند و دوشنبه گفته بودند که مقام‌های محلی حدود ۲۵۰ خانواده افغانستان را به یک کمپ در دوشنبه منتقل کرده‌اند.


گفته می‌شود این خانواده‌ها پیش‌تر به‌دلیل مشکلات سیاسی با تالبان و نگرانی از انتقام‌گیری، به تاجیکستان پناه برده بودند.


در همین حال، منابع می‌گویند فرد متهم ادعا کرده است که این قتل با همکاری چند نفر دیگر انجام شده است؛ اما وزارت داخله تاجیکستان تاکنون درباره‌ی احتمال دخالت یا بازداشت افراد دیگر اظهار نظری نکرده است.

منابع محلی گزارش داده‌اند که دولت تاجیکستان صبح روز سه‌شنبه، ۱۵ ثور، حدود ۲۵۰ خانواده مهاجر افغانستان را به ولایت کندز در شمال افغانستان اخراج کرده است.

ilaha

اخبار دیگر

    کامنت ها

کامنت خود را بنویسید

درباره ما

آدرس 2933 41k سرک
لندن, کانادا

شماره تماس
+1 (825) 973-2079
[email protected]

اخبار نامه

تویت ها معروف

کتگوری ها

تحصیلات ورزش جنگ افغانستان زراعت جهان زنان آیالات متحده امریکا انتخابات