تالبان ادامه‌ی قاچاق مواد مخدر از افغانستان به‌تاجیکستان را تأیید کرد
او گفته است که به‌دلیل طولانی بودن مرز مشترک افغانستان و تاجیکستان، قاچاقچیان هرازگاهی سوءاستفاده می‌کنند.
مرزبانی تاجیکستان روز جمعه، ۱۰ دلو، اعلام کرد که نیروهای این کشور با گروهی از افراد مسلح در مرز با افغانستان درگیر شده‌اند. به‌گفته‌ی مقامهای تاجیکستان، این افراد قاچاقچی بوده‌اند و در جریان این درگیری سه تن از آنان کشته شده‌اند.
سخنگوی تالبان در گفت‌وگو با رادیو-تلویزیون ملی، که تحت کنترول تالبان فعالیت می‌کند، درباره‌ی این درگیری گفت که اداره‌ی تالبان تلاش می‌کند تا مشکلات مرزی را حل کرده و مانع قاچاق مواد مخدر شود.
او همچنین اظهار داشت که اداره تالبان و تاجیکستان در این زمینه هماهنگ هستند و در آینده از قاچاق جلوگیری خواهد شد.
کمیته امنیت ملی تاجیکستان اعلام کرده است که در درگیری اخیر در مرز افغانستان، چند قبضه سلاح و چهار کیسه حاوی ۷۳ بسته حشیش و تریاک از قاچاقچیان کشف‌وضبط شده است.
ذبیح‌الله مجاهد، سخنگوی تالبان، تأیید کرده است که به‌رغم تلاش‌ها، قاچاق مواد مخدر همچنان از افغانستان به‌تاجیکستان ادامه دارد.
shakir sangi
اخبار دیگر
کامنت خود را بنویسید Cancel reply
درباره ما
آدرس
2933 41k سرک
لندن, کانادا
شماره تماس
+1 (825) 973-2079
[email protected]
اخبار نامه
تویت ها معروف
-
By EXTV - Exile TV https://twitter.com/ExileTVNetwork/status/1677697848232517632hace 3 años
کامنت ها