در حملهی تروریستی در مرز افغانستان و تاجیکستان، کارگران و شرکت‌های چینی هدف قرار گرفتند
به‌گفته‌ی مقامهای تاجیکستان و چین، در این رویداد بیش از دوازده نفر کشته شده‌اند که در میان قربانیان، شهروندان چینی نیز حضور دارند. این افراد در مناطق دورافتاده و کوهستانی تاجیکستان مشغول فعالیت کاری بوده‌اند.
کمیتهٔ دولتی امنیت ملی تاجیکستان اعلام کرده است که «سه عضو یک گروه تروریستی» چند روز پیش از خاک افغانستان وارد تاجیکستان شده بودند. به‌گفته‌ی این نهاد، مهاجمان صبح روز بعد شناسایی شده و با نیروهای مرزبانی تاجیکستان درگیر شدند که در نتیجهٔ آن، پنج نفر از جمله هر سه مهاجم کشته شدند.
بر اساس گزارش مقامهای تاجیکستان، این حمله از ولایت بدخشان افغانستان سازماندهی شده و سومین حمله در یک ماه گذشته به‌شمار می‌رود که به کشته‌شدن نیروهای امنیتی تاجیکستان انجامیده است.
مقامهای تاجیکستان این رویداد را «نمونه‌ای آشکار از ناتوانی تالبان در جلوگیری از فعالیت گروه‌های تروریستی در مناطق مرزی» دانسته و از تالبان خواسته‌اند مسئولیت تأمین امنیت مرز مشترک را به‌گونه‌ی جدی بر عهده بگیرند و مانع تکرار چنین حمله‌ها شوند.
در همین حال، سفارت چین در دوشنبه با صدور هشدار امنیتی از اتباع و شرکت‌های چینی خواسته است مناطق مرزی را ترک کنند و از دولت تاجیکستان درخواست کرده است تمام اقدام‌های لازم برای تضمین امنیت شهروندان و منافع چین در این کشور را انجام دهد.
تاجیکستان از زمان به‌قدرت رسیدن تالبان در افغانستان، بارها نسبت به ناامنی در امتداد مرز مشترک دو کشور هشدار داده است؛ مرزی به طول حدود ۱۳۴۰ کیلومتر که به‌گفته‌ی مقامهای تاجیکستان همچنان در معرض تهدید گروه‌های مسلح قرار دارد.
شبکهٔ الجزیره گزارش‌داده است که در پی یک حملهٔ تروریستی در نزدیکی مرز تاجیکستان با افغانستان، شماری از شرکت‌ها و کارگران چینی هدف قرار گرفته‌اند.
yasamin
اخبار دیگر
کامنت خود را بنویسید Cancel reply
درباره ما
آدرس
2933 41k سرک
لندن, کانادا
شماره تماس
+1 (825) 973-2079
[email protected]
اخبار نامه
تویت ها معروف
-
By EXTV - Exile TV https://twitter.com/ExileTVNetwork/status/1677697848232517632hace 3 años
کامنت ها